Java e 29-të e Bundesligës u hap mbrëmjen e djeshme me sfidën Freiburg- Bayern Leverkusen. Miqtë triumfuan me rezultatin e ngushtë 0-1. Një fitore me shumë vlera për Leverkusen, pasi tashmë e sheh veten në kuotën e 56 pikëve dhe momentalisht mban vendin e tretë në renditje.
Ndërkohë ditën e sotme luhen plot pesë sfida për llogari të këtij raundi, ku spikasin sfidat Bayern Munich- Dusseldorf dhe Schalke 04-Werder Bremen.
Bayern ka një ndeshje të lehtë në letër pasi pret në shtëpi një skuadër e cila lufton për mbijetesë në kampionat, ndërsa kampionët në fuqi vijnë me moralin e lartë pas 3 fitoreve radhazi që nga rifillimi i sezonit më 16 maj. Me një fitore, bavarezët do të arrinin fitoren e 8-të radhazi në kampionat duke marrë parasysh edhe ndeshjet përpara ndërprerjes së Bundesligas. Kjo sfidë luhet në orën 18:30.
Ndërkohë më herët në orën 15:30, Schalke 04 pret në shtëpi Werder Bremen-in. Skuadra e drejtuar nga David Wagner ndodhet në një krizë të thellë. Për të konstatuar këtë gjë mjaftojmë të themi që skuadra ka grumbulluar vetëm 4 pikë në 10 ndeshjet e fundit.
Në krahun tjetër, edhe Werder Bremen ndodhet në vështirësi të mëdha, pasi skuadra renditet në vendin e 17-të duke rrezikuar seriozisht rënien nga kategoria.
Të gjitha sfidat e ditës së sotme:
Ora 15:30
Hertha Berlin-Augsburg
Mainz-Hoffenheim
Schalke 04-Werder Bremen
Wolfsburg-Eintracht Frankfurt
Ora 18:30
Bayern Munich-Dusseldorf
