Alfred Cako, i ftuar në “Zonë e Lirë”, u shpreh dje se koronavirusi është një komplot botëror. Sipas tij, vaksina ndaj Covid-19 do të ccojë në futjen e një mikroçipi në trupin e njeriut që do i kontrollojë ata.
“Do shkojmë drejt vaksinimit me detyrim, do ta shohësh deri në fund të shtatorit. Këta tanët janë rreshtuar me OBSH në këtë luftë, me Bill Gates që është i interesuar të bëjë vaksinat, shpikin viruse për të shpikur vaksinat për të na çuar në mikroçipim, të na kontrollojnë si skllevër”, ka thënë Cako.
“Në shtator-tetor, i gjati do fillojë lockdown (izolim) prapë për t’i trembur njerëzit. Janë të manipuluara shifrat e viktimave në shumë vende. Ky është komplot i madh botëror”, ka shtuar Cako.
Ai i bëri apel kryeministrit Edi Rama, që të mos e fusë vaksinimin me detyrim, ndërsa shtoi se nëse do e bëjë, atëherë do përballet me një protestë aq të madhe sa do detyrohet të japë dorëheqjen.
Ai parashikoi se nëse Rama nuk vendosë që vaksina të bëhet me detyrim dhe si pasojë protesta e madhe nuk do të ndodhë, kryeministri do të largohet në zgjedhjet e ardhshme. Vendin e tij, sipas Cakos, do ta marrë Lulzim Basha.
Por, sipas tij, as ky i fundit nuk e mbyll mandatin.
Cako tha se si Rama ashtu dhe Basha kontrollohen nga Xhorxh Soros.
