Ashtu siç u zyrtarizua pak më parë, Kategoria Superiore do të rikthehet të mërkurën e ardhshme më datë 3 qershor.
Sezoni 2019-2020 do të rinisë aktivitetin në javën e 27-të të kampionatit. Kështu më 3 qershor do të luhen gjithë takimet e këtij raundi. Katër ndeshje do të luhen në orën 17:00. Bylis-Tirana, Flamurtari- Vllaznia, Kukësi-Luftëtari dhe Laçi-Teuta.
Ndërsa takimi që do të përmbyllë këtë javë është supersfida mes Partizanit dhe Skënderbeut në orën 20:00 që do të luhet në kryeqytet.
Ndërkohë që java e 28-të do të zhvillohet në datë 7 qershor dhe do të mbyllet me supersfidën Partizani- Kukësi po në orën 20:00.
