Kylian Mbappe është një lojtar që nuk ka nevojë për prezantim.
Pasi shpërtheu për herë të parë në skenë te Monako, sulmuesi u transferua te gjigantët francezë Paris Saint-Germain në 2017, ku ai është bërë një nga sulmuesit më të mirë në Evropë.
Megjithëse në moshën vetëm 21-vjeç Mbappe ka arritur shumë në karrierën e tij dhe përpara ka një karrierë të gjatë ku ka ëndrra të mëdha.
Së fundmi francezi ka dhënë një intervistë ekskluzive për “Mirror Sport” ku është rrëfyer për shumë gjëra.
Si do ta ndryshojë pandemia pikëpamjen tuaj për futbollin?
Këto kohë kam vendosur gjithçka në perspektivë- Ajo që është më e rëndësishmja është të qëndrojmë të shëndetshëm dhe të mbajmë familjarët sa më afër.
Je vetëm 21-vjeç dhe ke fituar katër herë kampionatin francez dhe një herë Kupën e Botës… Çfarë ambiciesh keni tani?
Objektivi im është që të vazhdoj të jem i suksesshëm me skuadrën kombëtare. Vitin e ardhshëm kemi Kampionatin Europian dhe synojmë të dalim triumfues. Është një ëndërr e imja të fitojmë Kupën Europiane me Francën dhe Ligën e Kampioneve me PSG-në.
A ju motivojnë çmimet individuale si Topi i Artë?
Do të ishte bukur ta fitoja por nuk është diçka që jam fiksuar pas. Nuk I kam vënë vetes një objektiv kohor për ta arritur këtë gjë. Prioritet kam PSG-në dhe Francën.
A keni akoma shembuj të cilët i ndiqni?
Fillimisht ishte Zidane për gjithçka që ai arriti me kombëtaren. Më pas është Cristiano Ronaldo. Ai ka fituar gjithçka dhe akoma vazhdon të jetë një fitues pas kaq shumë suksesesh. Të dy ata kanë lënë historinë e tyre në këtë lojë dhe unë dua të lë kapitullin tim në historinë e librave.
