Vazhdon situata e rënduar e koronavirusit në Maqedoninë e Veriut.
Për 24 orët e fundit autoritete e shëndetësisë konfirmuan 26 raste të reja me COVID-19 nga 622 teste të realizuara.
Rastet e reja sipas qyteteve janë: 14 në Shkup, 2 në Kumanovë, 4 në Shtip, 1 në Prilep, 2 në Tetovë, 1 në Strugë dhe 1 në Veles.
Gjatë 24 orëve të fundit kanë humbur jetën dhe tre pacientë të tjerë për shkak të koronavirusit. Në Klinikën Infektive në Shkup ka ndërruar jetë një 58 vjeçar nga Struga dhe një 47 vjeçar nga Shkupi. Në Spitalin e Qytetit “8 shtatori” ka ndërruar jetë një 43 vjeçar nga Tetova.
Ndërkohë që betejën me COVID-19 e kanë fituar dhe 17 pacientë të tjerë.
Sipas statistikave të fundit, që nga fillimi i pandemisë, në Maqedoninë e Veriut janë realizuar 26,463 testime, prej të cilëve 2.039 kanë rezultuar pozitiv me Covid-19. Janë shëruar 1.470 pacientë, kurse fatkeqësisht betejën me koronavirusin e ri e kanë humbur 119 pacientë. Për momentin ka 450 raste aktive.
