Policia e Dibrës gjatë kontrollit të territorit, në një zonë të pyllëzuar të fshatit Tomin, kanë konstatuar të kultivuara disa fidanë bimë narkotike, dhe për pasojë është arrestuar një 43-vjeçar si dhe është shpallur në kërkim djali i tij.
Pas hekurave ka përfunduar shtetasi G. SH., 43 vjeç, banues në fshatin Tomin, Dibër dhe u bë shpallja në kërkim e shtetasit E. Sh. (person me masë sigurie “Arrest në shtëpi”) djali i shtetasit G. Sh., i cili nuk u gjet në banesë dhe vijon puna për kapjen e tij.
Në pranga është vënë dhe kryeplaku i fshatit Tomin, për shpërdorim detyre, pasi nuk ka informuar në Polici për territorin që mbulonte.
Nga fshati Tomin, policia e Dibrës ka arrestuar dhe shtetasin G. H., 34 vjeç, pasi gjatë kontrollit në ambientet në administrim të këtij shtetasi,iu gjetën një armë zjarri kallashnikov, një armë gjahu çifte dhe një sasi municioni luftarak, të cilat i posedonte pa leje.
Materialet procedurale do t’i kalojnë Prokurorisë së Dibrës, për hetime të mëtejshme.
