Policia e Tiranës ka vënë në pranga 4 persona si dhe ka proceduar penalisht dy të tjerë, të cilët akuzohen për vepra të ndryshme penale.
Gjatë 24 orëve të fundit janë vënë në pranga 4 shtetas, si edhe janë proceduar penalisht edhe 2 shtetas të tjerë.
Më konkretisht:
-është arrestuar shtetasi i shpallur në kërkim I. B., 37 vjeç, banues në Durrës, pasi ka thyer masën e sigurisë “Arrest në shtëpi” dhe më datë 24.05.2020, rreth orës 20:00, ka vjedhur motorrin e shtetasit O. T.
– është arrestuar për veprën penale “Dhuna në familje”, shtetasi N. V., 31 vjeç, banues në Tiranë, pasi ka ushtruar dhunë fizike dhe psikologjike ndaj bashkëshortes, në banesë.
– është arrestuar shtetasi M. M., 35 vjeç, pasi në rrugën “Teodor Keko” u kap duke drejtuar mjetin në gjendje të dehur, në masën 0.60 mg/l;
– është arrestuar shtetasi A. Th., 48 vjeç, pasi në rrugën “Myslym Shyri” u kap duke drejtuar mjetin në gjendje të dehur, në masën 0.79 mg/l;
Gjithashtu ka filluar procedimi penal për shtetasit:
•F. N., 24 vjeç, pasi në rrugën “Mikel Maruli”, duke drejtuar mjetin tip “Benz”, ka aksidentuar fëmijën e mitur me iniciale I. Z., i cili ndodhet në spital, jashtë rrezikut për jetën.
•F. V., 31 vjeç, pasi në rrugën “Demokracia” Kamzë, duke drejtuar mjetin tip “Benz”, ka aksidentuar këmbësorin B. L., i cili pas mjekimit në spital u largua në banesë.
Materialet do t’i kalojnë Prokurorisë, për veprime të mëtejshme.
