Një grua 40-vjeçare shqiptare mbeti e plagosur pasi u qëllua me pistoletë dhe thikë nga bashkëshorti i saj, pas një sherri që ndodhi brenda automjetit që po udhëtonin.
Ngjarja ka ndodhur në Varese, Itali. Sipas mediave, burri qëlloi gruan me pistoletë dhe më pas me një thikë në krah. Shkak për sherrin mes çiftit dyshohet se është bërë xhelozia e burrit.
Autori, 46 vjeç, është arrestuar nga policia, e cila ka ndërhyrë në vendin e ngjarjes.
40-vjeçarja është dërguar në spitalin e Vareses, ku ka marrë edhe ndihmën mjekësore e ku ndodhet jashtë rrezikut për jetën.
Çifti shqiptar, prindër të 2 fëmijëve të mitur, jetonte e punonte në Itali. Burri ishte punëtor krahu, me disa precedentë penalë, ndërsa gruaja punonte si sanitare.
