Dimitar Berbatov beson se Gareth Bale duhet të largohet nga Real Madrid nëse ndihet i pavlerësuar te klubi spanjoll.
Ish-sulmuesi i Manchester United sqaroi se uellsiani duhet të respektohet te Los Blancos si për cilësinë e tij, ashtu edhe për kontributin e jashtëzakonshëm që ka dhënë përgjatë viteve atje.
“Te Real Madrid raporti i golave të Bale me ndeshjet që ka zhvilluar ka qenë me të vërtetë mbresëlënëse dhe disa nga golat që ai ka shënuar kanë qenë të mahnitshëm, gola të atillë që lojtarët e zakonshëm nuk mund t’i shënojnë.”
“Mjafton të shikoni atë gol që ai shënoi në finalen e Champions League kundër Liverpool –it, ajo flet shumë për cilësinë që ai ka. Mendoj se nëse nuk vlerësohesh në një vend atëherë duhet të shkoni diku tjetër”.
Duke folur për mundësinë që uellsiani të kalojë te Newcastle, klub i cili pritet të vihet në pronësinë e një shoqërie Arabe, ish-sulmuesi bullgar ka thënë:
“Me gjithë respektin e duhur, ju nuk mund ta krahasoni Newcastle me Real Madrid, pavarësisht sa para mund të ketë klubi anglez. “Nëse Newcastle dëshiron ta ofrojë atë, ata duhet t’i tregojnë atij se po ndërtojnë diçka por përsëri Bale nuk ka kohë për të humbur dhe Te Newcastle vetëm do ta çonte karrierën dëm”. – ka thënë Berbatov për Betfair.
