Inspektorati Kombëtar i Mbrojtjes së Territorit shembi sot me shpërthim të kontrolluar një tjetër pallat në Durrës.
Në pallatin gjashtë katësh nr 10/62 në lagjen 7, pas Drejtorisë së Policisë, banonin 36 familje.
Ai u dëmtua rëndë nga tërmeti i 26 nëntorit të vitit të kaluar.
Dëmtimi ishte konstatuar në 2 katet e para ku dhe banorët kishin përfituar bonus, ndërsa katet e sipërme vijonin të banonin normalisht në pritje të riparimeve.
Por pas një analize të tretë u deklarua se ndërtesa kishte marrë dëme të pariparueshme në konstruktin e saj dhe duhej shembur.
Banorëve ju premtua se pallati do të rindërtohet nga e para në të njëjtin vend.
Për prishjen e objektit, u hapën në trupin e tij 350 furnella (vrima) dhe u përdoren 8.5 kilogramë lëndë eksplozive C4.
