Për shkak të depërtimit të masave ajrore të qëndrueshme moti sot do të jetë i kthjellët në të gjithë territorin përjashtuar vranësirat e pakta kalimtare në relievet malore.
Temperaturat në vlerat minimale parashikohen nga 10ºC në zonat malore deri në 15ºC në ato të ulta dhe ato bregdetare.
Në vlerat e mesditës temperaturat parashikohen me rritje duke prekur vlerat nga 24ºC në relievet malore deri në 30ºC në ato të ulta dhe ato bregdetare.
Kujtojmë se vendi ynë një ditë më parë u ndikua nga kalimi i një fronti të ftohtë atmosferik.
Kjo bëri që moti në pjesën e parë të ditës të ishte me vranësira mesatare dhe të dendura shoqëruar me reshje shiu të herëpashershme me intensitet të ulët deri mesatar.
