Lojtari i Chelsea-t, Callum Hudson-Odoi, është arrestuar mëngjesin e ditës së djeshme, ku fillimisht mediat angleze raportonin se arrestimi ishte bërë, pasi futbollisti kishte thyer rregullat e karantinës duke ftuar një modele në shtëpinë e tij.
Por historia duket se është më e thellë dhe tashmë, “The Mirror”, raporton se 19-vjeçari dyshohet se e ka përdhunuar modelen, ndërkohë që ajo përfundoi në spital. Pas telefonatës, menjëherë në shtëpinë e 19-vjeçarit të skuadrës londineze, mbërriti policia dhe një ambulancë.
Futbollisti u arrestua nga policia, teksa mediat britanike kanë bërë të ditur se Odoi ka refuzuar akuzën për përdhunimin e modeles.
“Polica dhe ambulanca e Londrës janë telefonuar në ora 3:53 të mëngjesit të 17 majit, pasi raportohej për një gjendje të keqe të një gruaje”, thuhet në raportin e policisë.
“Kur emergjenca kishte arritur në vendin e ngjarjes, gruaja ka thënë se ajo ishte përdhunua, Ajo është dërguar menjëherë në spital”.
“Një person është arrestuar në vendin e ngjarjes mbi dyshimin e përdhunimit. Ai është liruar me kusht, në mënyrë që të paraqitet në mesin e muajit maj sërish”, thuhet më tej në raport.
