Callum Hudson-Odoi është arrestuar nga policia britanike në natën mes të shtunës e të dielës. Sipas “The Sun”, futbollisti i Chelsea kishte ftuar në shtëpinë e tij një modele të cilën e kishte njohur “online” duke thyer në këtë mënyrë rregullat e karantinës.
Policia informoi se kishte marrë një telefonatë nga një vajzë, zyrtarisht për një incident të ndodhur në shtëpinë e lojtarit. Edhe autoambulanca është parë në shtëpinë e tij në Londër, e cila ka marrë vajzën pasi ajo nuk ndihej mirë.
Siç bëjnë të ditur mediat angleze, Hudson-Odoi, është liruar ditën e sotme pasi ka lënë dorëzani një shumë të caktuar parash.
