Pas disa ditësh me shifër të lartë, sot është shënuar numri më i ulët i rasteve të reja me COVID-19 në vendin tonë.
Autoritetet e shëndetësisë konfirmuan se në 24 orët e fundit janë kryer 168 teste dhe vetëm dy prej tyre kanë rezultuar pozitiv me COVID-19.
Rastet e reja janë raste kontakti nga qyteti i Durrësit.
Në total numri i rasteve pozitive në vendin tonë ka arritur në 948 persona, nga mbi 12,500 testime të kryera gjithësej.
Gjatë 24 orëve të fundit betejën me COVID-19 e kanë fituar dhe 12 pacientë të tjerë, duke e çuar në rreth 77% numrin e të shëruarëve.
Në vendin tonë aktualisht janë 190 persona aktivë me COVID19, kryesisht ne Tiranë, Durrës Krujë, Shkodër.
Gjendja në spitale paraqitet e qëndrueshme prej ditësh me 15 pacientë të shtruar dhe vetëm 3 prej tyre janë në terapi intensive.
