“Një pjesë e imja ka vdekur nën ato rrënoja,por pjesa tjetër e mbetur është më e fortë se kurrë!”
Kështu shkruan me dhimbje aktori i njohur Neritan Liçaj në një reagim në Facebook për shembjen e Teatrit Kombëtar.
Aktori ka lëshuar dhe një mesazh për kreun e qeverisë Edi Rama dhe kryebashkiakuin e Tiranës, Erion Veliaj, duke thënë se tashmë janë kufoma që ndodhen nën rrënojat e Teatrit.
Reagimi i plotë
Do të doja të mbyllja sytë për një çast dhe kur ti hapja,Teatri Kombëtar të ishte sërisht aty. Por për fat të keq ka vetëm rrënoja! Një pjesë e imja ka vdekur nën ato rrënoja,por pjesa tjetër e mbetur është më e fortë se kurrë! Ka dhe dy kufoma nen ato rrënoja së bashku me pjesën time të vrare.Rama dhe Veliaj! Me vjen keq që ajo pjesë e imja e mbetur aty,do qelbet nga kermezimi i dy kufomave.
