Dhuna ndaj të miturit, pezullohet nga detyra një polic, në hetim tre të tjerë

Një ngjarje e rëndë ka ndodhur dje tek Liqeni Artificial në Tiranë. Disa oficerë policie kanë dhunuar një të ri pse kishte dalë për shëtitje jashtë orarit të lejuar.

Raportohet se është pezulluar nga detyra efektivi G.N, i cili dhunoi të miturin, ndërsa tre policët të cilët ishin të pranishëm dhe ndihmuan kolegun në momentin e ngjarjes kanë marrë paralajmërim dhe po hetohen.

Në video e publikuar nga JOQ Albania, dallohen dy punonjës policie që i shtrengojnë me dhunë përtokë fytyrën të riut, ndërsa edhe e qëllojnë me shpullë.

Më pas e ngrenë atë dhe e shoqërojnë drejt makinës ndërsa njëri prej policëve vijon ta dhunojë duke e qëlluar në shpinë.

LEXO EDHE: 

‘Ik se të q*** robt’/ Katër policë dhunojnë adoleshentin te Liqeni i Tiranës (Video +18)