Ashtu siç ishte paralajmëruar, në ambientet e FSHF-së u zhvillua një takim mes drejtuesve të këtij institucioni dhe presidentëve të klubeve të Kategorisë Superiore.
Tema e diskutimit ishte miratimi i protokollit për rinisjen e kampionatit. Nga ky takim FSHF-ja ka vendosur datën 3 qershor për rifillimin e kampionatit, ndërsa tashmë pritet vetëm miratimi nga ana e qeverisë.
Për të mos pasur ngjeshje ndeshjesh në kalendar, është vendosur që kampionati të përfundojë më 28-29 korrik.
FSHF gjithashtu duhet të dorëzojë te UEFA kalendarin për përmbylljen e kampionateve para 20 majit.
