Mjeku Pëllumb Pipero i ftuar në “Open”, ka folur për disa rregulla që duhen pasur parasysh gjatë hapjes së vendit ku sipas tij, rreziku më i madh dhe frika më e madhe ka të bëjë me kontaktet fizike të njerëzve.
Duke iu referuar edhe traditës së shqiptarëve ai tha se ne bisedojmë me katër-pesë persona dhe bisedojmë për disa minuta.
Pipero gjithashtu shtoi se virusi është prezent, dhe ndaj duhet sipas tij të jemi të kujdesshëm.
“Nuk ka nevojë për mbajtjen e maskave, apo e dorezave kur janë pjesëtarë të së njëjtës familje, e detyrueshme është mbajtja e maskës në ambiente publike, sikurse është transporti urban, apo mjedise me shumë njerëz, ku duhet të qëndrosh për shumë kohë me persona të tjera”, tha Pipero.
Sipas Piperos, duhet pasur kujdes nga të gjithë, sepse virusi qarkullon.
