Mjeku infeksionist Pëllumb Pipero tha mbrëmjen e sotme se ecuria e epidemisë së Covid-19 në vendin tonë është pozitive.
Pipero tha se referuar rezultateve, numri i pacientëve të shëruar, atyre që identifikohen sit ë prekur, dhe shtrimeve në spital, mendoj se situata është optimiste,
“Sot në spital u shtrua 1 pacient, ndërkohë që dolën të shëruar, pra lanë spitalin 6 pacientë”, tha Pipero.
Në emisionin “Open”, Pipero tha se gjendja e personave që janë të shtruar në spitalin Infektiv është relativisht e mirë dhe nuk ka pacientë në gjendje që rrezikojnë jetën.
Ai tha se ende nuk ka protokolle të miratuara për kurimin e Covid-19, ndërsa janë përdorur anti-viralë që kanë dhënë rezultate shumë të mira.
Përsa i takon hapjes së vendit, Pipero tha se momenti më i keq për transmetimin e sëmundjes është kur njerëzit ndalojnë dhe takohen mes tyre.
“Kjo është e vetmja gjë që më tremb, sepse virusi transmetohet nga spërklat. Transmetueshmëria e virusit dhe virulenca e virusit ka rënë. Nëse më parë duheshin 15 minuta për t´u infektuar, sot duhen shumë më tepër”, tha Pipero.
Ai shtoi se qytetarët duhet të mbajnë maskat në rastet e transportit publik, ndërkohë që nuk k apse të mbahet maska në rast se qytetarët janë në lëvizje.
Pipero tha se kjo hapje graduale mund të na krijojë një ekspozim me virusin, por jo duke u sëmurur, por duke krijuar atë që njihet si imunitet.
