Martin Henze, këshilltar ekonomik pranë CDU-së, ka reaguar lidhur me një mesazh të dhënë nga Ambasadorja e SHBA në Tiranë, Yuri Kim, për reformën në drejtësi.
Kim shprehet se reforma në Drejtësi ka bërë përparim të prekshëm, por kërkon ende punë. Ajo shton se udhëheqësit duhet të tregojnë vullnet politik dhe të ngrenë Gjykatën Kushtetuese.
“Reforma në drejtësi ka bërë përparim të prekshëm, por kërkon ende punë… ka ardhur koha që të gjithë udhëheqësit të tregojnë vullnet politik dhe të ngrenë Gjykatën Kushtetuese. Qytetarët nuk duhet të presin”, shkruan Kim.
Por, Henze mendon krejt ndryshe, madje ai rendit 5 arsyet sepse kjo reformë s´ka bërë asnjë progres.
“Ambasada e SHBA fantazon. Në Shqipëri, reforma në drejtësi nuk ka bërë asnjë progres.
1-Gjykata Kushtetuese nuk funksionon prej dy vite e gjysmë.
2- E drejta e ligjit dhe ndarja e pushteteve janë shkatërruar.
3-Liria e medias është shkatërruar.
4- Korrupsioni, pastrimi i parave plus trafiku i heroinës është rritur.
5- Zgjedhje të paligjshme”, shkruan Henze.
