Një sasi lënde plasëse është vendosur në banesën e një shtetasi në fshatin Bastar i Mesëm në Tiranë, në orët e para të mëngjesit të sotëm. Policia informon se lënda plasë është vendosur në banesën e shtetasit B.H., dhe është bërë i mundur identifikimi dhe arrestimi i autorit. Ai është i Petrit Haxhiu, 60 vjeç, fqinj i B.H..
Nuuk raportohet për të lënduar nga shpërthimi.
“Në fshatin Bastar i Mesëm, Njësia Administrative Zall Bastar, dyshohet se ka vendosur një sasi të vogël lënde plasëse në dritaren e banesës e shtetasit B. H., duke i shkaktuar dëme të lehta materiale”, informoi sot policia e Tiranës.
Gjatë kontrollit në banesën e shtetasit të arrestuar u sekuestruan në cilësinë e provës materiale 20 metra fitil zjarrpërcjellës, një detonator dhe 3 kallëpe të dyshuara me lëndë plasëse.
Materialet në ngarkim të Haxhiut i kaluan Prokurorisë, për veprime të mëtejshme, për veprat penale “Mbajtja pa leje e armëve dhe municioneve luftarake”, “Kanosja” dhe “Shkatërrimi i pronës”, shtuan të njëjtat burime.
