Presidenti i Ligës Profesioniste të Futbollit, Edvin Libohova, u shpreh se të gjithë po përpiqen që futbolli në Shqipëri të rikthehet sa më shpejt, duke thënë se skenari i FSHF për rifillimin e kampionatit është 1 qershori.
Në prononcimin e dhënë së fundmi për Supersport, Libohova u shpreh se ditën e nesërme do të ketë një takim tjetër me Komitetin Teknik ku me shumë mundësi do të ketë edhe një datë për futbollin në Shqipër
“Në Asamble kishte disa vendime që Federata i merr çdo vit, pra është një mbledhje e zakonshme dhe nuk mund të pritej më shumë.Të gjithë po luftojmë që loja t’i kthehet fushës dhe gjithçka të vendoset në fushë. Të shtunën nga Komitetit Teknik i ekspertëve e kishin studiuar me kujdes protokollin e Federatës dhe pritet të kemi një përgjigje shumë shpejt”.
“Protokolli i masave? Unë di që Komiteti Teknik ka punuar gjatë kësaj kohe. Kam mësuar që nesër do ketë një takim tjetër dhe me shumë mundësi mund të jepet një përgjigje.Tamponët? Teknikët na thënë se nuk është e nevojshme që t’i bëhet çdo lojtari tamponi. Nëse një lojtar tregon shenja atëherë atij do i bëhet tamponi”.
“Ne kemi datën 18 maj për stërvitjen individuale. Por unë do doja që të niste që dje. Synimi ishte që çdo ditë e fituar është në të mirën e kampionatit.31 maji është skenari i fundit kur mund të fillojë kampionati, prandaj ne ngulojmë që të nisim stërvitjet sa më shpejt të jetë e mundur”.
“Nëse një lojtar rezulton pozitiv? Një pyetje që mund t’i përgjigjen ekspertët, pasi janë ata specialistët.Deklarata e Lilës? Unë e lexova reagimin Andit dhe fola me të. I premtova atij që të ulemi në ditët e ardhshme dhe për t’i zgjidhur gjërat në një situatë të qetë”.
“Rinisja 1 qershor, nuk ka kuptim të luhet më? Është një hipotezë që ne nuk duam ta mendojmë, por nëse është e pamundur që të nisim, atëherë qëndron edhe kjo e pezullimit përfundimtar”.
“Nëse nuk zhvillohet kampionat dhe as Kupa, atëherë 4 vendet e para që janë deri në këtë fazë në kampionat shkojnë në Europë.Qëllimi i Ligës është që klubet të kenë buxhetet e tyre dhe të jenë të pavarura. Koronavirusi e tregoi gjendjen e tyre dhe të gjitha u mbështetën te FSHF”.
“Liga? Ne prisnim miratimin e paketës së sportit në qershor, u shty dhe kapi fundin e vitit. U miratua por jo ashtu siç e kemi kërkuar. Qëllimi është që ekipet e ligës të kenë buxhetet e tyre. Ne e pamë situatën që ndodhi me Koronavirus. Shpresojmë që kur të përfundojë kjo situatë emergjente, t’i rikthehemi edhe njëherë Ligës Profesioniste”.
“Superiore me 12 skuadra? Numri i skuadrave përcaktohet 1 vit më parë. Shtimi i skuadrave është një problem që është diskutuar në Komitetin Ekzekutiv.”, u shpreh Libohova për “Supersport”.
