E me sa duket shprehja “Bëmë baba të të ngjaj” nuk ka dalë kot. Djali i madh i kandidatit republikan për president të SHBA-ve Donald Trump Junior, përmes një statusi në rrjetin social Twitter, ka krahasuar refugjatët sirianë me karamele ‘’Skittles’’ të cilat konsiderohen jo të shëndetshme.
Duke u përpjekur të mbrojë tezat e babait të tij për refugjatët, Donald Trump Junior solli një shembull aspak të mirë. Ai ka publikuar një imazh ku shkruante:
“Po të kisha një kupë të mbushur me “Skittle” dhe po t’u thoja se tre karamele mund t’iu vrasin, a do t’i merrnit të gjitha. Ky është problemi ynë me refugjatët sirianë. Le ta bëjmë Amerikën sërish të madhe”, ka përfunduar në Twitter Donald Trump Jr. Kanë qenë të shumta komentet negative ndaj tij pas këtij publikimi.
This image says it all. Let’s end the politically correct agenda that doesn’t put America first. #trump2016 pic.twitter.com/9fHwog7ssN
— Donald Trump Jr. (@DonaldJTrumpJr) September 19, 2016
