Arsene Wenger, foli në radion britanike “Talksport” mbi mbizotërimin e Leo Messit dhe Cristiano Ronaldos në futboll në dekadën e fundit dhe paralajmëroi se fundi i mbretërimit të tyre është afër.
“Asnjëherë nuk kemi parë lojtarë si Messi dhe Cristiano Ronaldo, të cilët mund të krijojnë absolutisht gjithçka në çdo situatë të vështirë, por unë mendoj se mbretërimi i tyre po merr fund,” – tha trajneri francez.
70-vjeçari beson se e ardhmja e futbollit i përket Kylian Mbappe-s, por pa përjashtuar shokun e tij të skuadrës, Neymar.
“Po vjen një brez i ri dhe lideri i tyre mendoj se është Mbappe. Sigurisht edhe Neymar nuk e përjashtoj dhe atë. Këto dy futbollistët luajnë te PSG, por nuk dihet dhe për sa kohë, pasi janë dy emra që janë vazhdimisht në shënjestër të ekipeve të mëdha si Real Madrid dhe Barcelona.”
