Jose Mourinho beson se Arsene Wenger, i përket një periudhe tjetër të futbollit, dhe se ishte i fundit që udhëheq një klub të Premier Ligës për 2 dekada.
Arsene Wenger është trajneri më i suksesshëm në historinë e Arsenalit, ku ka fituar 17 trofe gjatë 22 viteve si trajner i klubit.
Ndërsa Mourinho, në kontrast, gjatë 19 viteve karrierë si trajner ka ndërruar 9-të klube, së fundmi duke zëvendësuar Pochettinon te Tottenham Hotspur.
Në një intervistë për “Sky Sport”, i pyetur nëse trajnerët si Ferguson dhe Wenger, janë diçka e së kaluarës, Mourinho u përgjigj:
“20 vite në një klub? Nuk mendoj se kjo është e mundur më. Jetë moderne, teknologji e re, rrjetet sociale. Mendoj se çdo gjë ka ndikim ditët e sotme”.
“Madje edhe mentaliteti i njerëzve ka ndryshuar, njerëzit lodhen më shpejt. Shumë gjëra po ndryshojnë jo vetëm futbolli, perceptimi i botës nuk është i njëjtë”.
“Mendoj se Wenger ishte i fundit”.
