Një ditë më parë policia ushtroi dhunë, madje duke tërhequr zvarrë disa qytetarë, pjesëtarë të shoqërisë civile, por edhe artistë, që kishin menduar një protestë kundër masave ekstreme izoluese të Qeverisë.
Dhuna policore shkaktoi reagime të shumta, u dënua nga opozita dhe Presidenti i Republikës, ndërkohë që nuk pati asnjë qëndrim nga Rilindja.
Sot në mëngjes, Kryeministri Edi Rama ka postuar në rrjetet sociale një peisazh nga Ujvara e Shëngjergjit.
Duket se me këtë pamje relaksuese, Kryeministri po tenton të japë një tjetër imazh, jo atë të shfaqur dje kur policët e Sandër Lleshajt përdorën dhunën dhe tërheqjen zvarrë nga qytetarëve, pa pyetur për moshë apo gjini.
