Shefi ekzekutiv i Ajax, Edwin van der Sar, ka konfirmuar se mesfushori, Donny van de Beek, do të lejohet të largohet nga klubi në gjatë merkatos së ardhshme të transferimeve, por vetëm nëse oferta për të do të jetë e përshtatshme.
Van Der Sar është shprehur se blerjet të cilat shkonin nga 150-200 milionë euro për shkak të krizës financiare do të mungojnë, por sipas tij Ajaxi nuk ka ndërmend që lojtarët më të mirë që ka në skuadër të lejojë largimin e tyre për shifra të ulëta.
Ajax tashmë ka rënë dakord ta shesë Hakim Ziyech te Chelsea në një marrëveshje prej 33.3 milionë euro dhe Van der Sar insiston që klubi holandez nuk ka asnjë presion të shesë lirë, pavarësisht ndikimit financiar të koronavirusit.
Tottenham, Manchester United, Barcelona dhe Real Madrid të gjithë janë në garë për shërbimet e 23-vjeçarit, i cili dy sezonet e fundit ka shkëlqyer me skuadrën holandeze.
