Bundesliga gjermane do të rikthehet të shtunën e datës 16 maj. Kampionati gjerman u ndërpre në javën e 25-të dhe gjithçka rifillon me javën e 26-të.
Së fundmi është publikuar orari edhe kalendari i plotë për këtë raund dhe në fushë do të zbresin të gjitha skuadrat. Kështu gjithçka rifillon të shtunën e 16 majit në orën 15:30, ku do të luhen 5 takime. Ndërsa takimi i fundit për këtë ditë do të jetë në orën 18:30.
Bayern Munich do të zbresë në fushë ditën e diel, në orën 18:00 ku do të përballet në transfertë kundër Union Berlin. Ndërsa ndeshje tjetër e kësaj dite, është ajo e orës 15:30 mes Koln-it dhe Mainzi-t.
Ndërkohë java e 26-të, do të mbyllet të hënën e 18 majit, me sfidën Werder Breme-Bayern Leverkusen, në orën 20:30.
Kujtojmë që Bundesliga, kryesohet nga Bayern Munich në kuotën e 55 pikëve. Kampionët në fuqi ndiqen nga Borussia e Dortmundit dhe Leipzig përkatësisht në kuotën e 51 dhe 50 pikëve.
Programi i ndeshjeve:
Të Shtunën
Ora: 15:30
Augsburg-Wolfsburg
Borussia Dortmund-Schalke
Fortuna Dusseldorf-Paderborn
Hoffenheim-Hertha Berlin
RB Leipzig-Freiburg
Ora: 18:30
Eintracht Frankfurt-Borussia Monchengladbach
Të Dielën
Ora:15:30
Cologne-Mainz
Ora:18:00
Union Berlin-Bayern Munich
Të hënën
Ora:20:30
Werder Bremen-Bayer Leverkusen
