Gjendet një kundërshtar për Mike Tyson. Sonny Bill Williams, një lojtar regbie dhe ish-boksier profesionist, ka ofruar veten për tu përballur me ish-boksierin amerikan.
Disa javë më parë, Tyson, ka deklaruar se do të zhvillojë një ndeshje boksi për arsye bamirësie dhe së fundmi ka publikuar edhe video duke u stërvitur.
Për “Majkun e Hekurt” është gati një çek prej një 1 milion dollarësh dhe një ring në Melbourne, ku duhet të tregojë pse konsiderohet një nga më të mëdhenjtë e historisë së boksit.
Promotori Brian Amatruda ka kontaktuar me menaxherin Mark Markson me objektivin për t’i gjetur kundërshtarin e duhur Tysonit. Rivali më potencial është pikërisht Sony Bill Williams, por janë sugjeruar edhe alternativa të tjera. Nëse ndeshja do të zyrtarizohej ajo do të zgjaste vetëm 3-4 raunde, kërkesë kjo nga legjenda Tyson.
