Një aksident me një person të plagosur rëndë ka ndodhur mëngjesin e sotëm në aksin Milot-Lezhë. Një këmbësor është përplasur nga një makinë. Për shkak të gjendjes së rënduar shëndetësore, i lënduari është transportuar në Tiranë, në spitalin e Traumës.
“Sot, rreth orës 08:50, në aksin rrugor Milot-Lezhë, mjeti me drejtues shtetasin M.F., ka aksidentuar këmbësorin shtetasin N.P., i cili ka marrë dëmtime dhe ndodhët nën kujdesin mjekësor në spitalin e Traumës, Tiranë. Drejtuesi i mjetit është shoqëruar në ambientet e Policisë për veprime të mëtejshme. Grupi hetimor po punon për zbardhjen e shkakut të aksidentit”, njoftoi policia.
