Drejtoresha e InShP-së, Albana Fico gjatë deklaratës për mediet sot, u shpreh se në vend ka nisur analiza serologjike.
Ndërsa sa i përket mënyrës që po përdor Italia, pra shërimin e pacientëve me COVID me terapinë plazmatike me antitrupa të personave të shëruar, ajo theksoi se në Shqipëri do të duhet shumë kohë që kjo të funksionojë.
Pyetjet:
Pyetje: A kanë dalë rezultatet e para për testet seriologjike? Në çfarë faze janë?
Fico: Të gjithë po ndjekim me interes çështjen e testeve seriologjike, vazhdojmë me validimin e metodës.
Pyetje: Në Itali po përdoret terapia plazmatike me antitrupa nga pacientët e shëruar dhe ka rezultuar e suksesshme. Po e konsideroni edhe ju një metodë të tillë? Nëse po a keni ju teknologjinë që duhet?
Fico: Kjo është një nga ato gjëra që ne jemi shprehur shpesh duke konstatuar faktin që komuniteti mjekësor është në dilema të jashtëzakonshme. Përdorimi i çdo lloj metode ose gjetje janë në faza eksperimentale. Do dojë kohë që gjithë këto njohuri ose eksperiencat e përfituara të vendosen në platforma të aplikueshme.
Në 24 orët e fundit autoritet shëndetësore konfirmuan 17 raste të reja me COVID-19, duke e çuar në 820 numrin gjithësej të të infektuarëve, por vetëm 219 prej tyre janë raste aktive.
Rastet e reja ishin: 9 në Tiranë, 5 në Krujë dhe Kamza me 3 raste
