Ish-pronari i Formula 1, Bernie Ecclestone, ka folur me fjalë të mëdha për 6 herë kampionin e botës Lewis Hamilton.
Sipas Ecclestone, Hamilton përveç se është piloti më i talentuar dhe spektakolarë ai gjithashtu ka një fuqi të madhe në botën e Formula 1, duke qenë referenca numër 1 e këtij sporti.
Në një intervistë për “Sunday Express”, Ecclestone tha: “Hamilton është më i madhi nga të gjithë. Është një vlerë që e kalon atë të Formula 1, është më superior se vetë ky sport”.
“Në këtë sport nuk ka një manual përdorimi, asnjë nuk të thotë se çfarë duhet të bësh. Lewis ka arritur një bilanc të përkryer, që e çon në një nivel superior, jo vetëm në pistë por edhe kur flet”, u shpreh Ecclestone.
