Juventusi dominon totalisht futbollin Italian prej 8 sezonesh.
Në këto 9 vite nga 2011 e deri më sot te bardhezinjtë kanë luajtur shumë kampionë të cilët kanë lënë shenjën e tyre në sukseset e skuadrës. Kështu Gazeta spanjolle AS në versionin kilian, ka publikuar 11-shen më të mirë të bardhezinjve në këto 9 vite.
Në portë është legjendari Buffon. Mbrojtja me 4 përbëhet nga zvicerani Lichtsteiner në të djathtë, Chiellini e Barzagli në qëndër dhe Alex Sandro.
Tre mesfushorët e përzgjedhur nga AS janë Pirlo para mbrojtjes si dhe Vidal e Pogba në mbështetje të treshes sulmuese të përbërë nga Dybala, Tevez e Cristiano Ronaldo.
Jashtë 11-shes më të mirë të dekadës së fundit te Juventusi kanë mbetur emra të rëndësishëm si Bonucci në mbrojtje, Pjanic në mesfushë apo edhe Higuain e Mandzukic në sulm.
