Një 77-vjeçare nga Fushë-Krujë ka arritur të mposhtë COVID-19 dhe ditën e sotme ka lënë spitalin.
Lajmin e ka dhënë ministrja e Shëndetësisë Ogerta Manastirliu në një postim në rrjetet sociale, teksa ka postuar një video të gjyshes kur lë spitalin.
“Nënë Hike plot 77 vjeç nga Fushë-Kruja, sot ka lënë e shëruar spitalin Infektiv dhe është kthyer pranë familjes.” – shkruan ministrja.🙏🏼
Manastirliu bën me dije dhe se që nga fillimi i epidemisë, më shumë se 60% e të prekurve nga COVID-19 janë shëruar, ndërsa Kruja ka sot numrin më të lartë të të prekurve aktivë.
Deri tani në vendin tonë janë konfirmuar 795 të infektuar me koronavirus, 531 prej të cilëve janë shëruar, ndërsa 31 kanë ndërruar jetë.
