Ish-sulmuesi i Barcelonës, Javier Saviola, ka këshilluar Lautaro Martinez që të rishikojë dëshirën e tij për t’iu bashkuar skuadrës së Barcelonës.
Saviola i cili luajti me Barçën mes viteve 2001-2007, deklaroi se të luash përkrah Leo Messit kërkon shumë punë dhe sakrifica dhe këtë gjë sipas tij e ka vuajtur edhe Paulo Dybala te skuadra e Argjentinës.
“Dybala tha se ishte e vështirë të luash me Messin dhe unë e mbështeta atë, sepse askush nuk e kuptoi çfarë ai donte të thoshte. Messi e luan lojën me një ritëm të shpejtë dhe duhet të jesh gjithmonë i përqëndruar. Të krijohet përshtypja që është e lehtë por më besoni nuk është”.
“E njëjta gjë mund të ndodhë me Lautaron pasi ai nuk është vetëm një golashënues, ai ka nevojë për hapësira. Megjithatë është një sulmues që unë e admiroj pasi e kupton pozicionin e tij por mendoj se duhet të përmirësohet në shumë aspekte për të luajtur me Messin dhe Barcelonën”. – tha ai për “Goal”.
