Falë paraqitjeve të tij spektakolare me skuadrën e Romës, Nicolo Zaniolo është konfirmuar si një nga talentet më premtues italianë.
Trajneri i Romë-s, Paulo Fonseca, ka besuar shumë te 20-vjeçari, duke e aktivizuar shpesh dhe portugezi është i bindur për vlerën e lojtarit të tij dhe për të parashikon që së shpejti do të jetë në majën e futbollit europian.
“Ai nuk është thjesht një talent natyral, ai është një lojtar që është përmirësuar ndjeshëm këtë vit që tregon punën e jashtëzakonshme që ka bërë. Tani ai e kupton lojën, sulmon hapësirën. Ai është vetëm 20 vjeç, nuk kam dyshim se në pak vite ai do të jetë një nga lojtarët më të fortë në Evropë”. – ka thënë portugezi për ESPN.
Aktualisht, 20-vjeçari po rikuperohet nga dëmtimi i rëndë që pësoi në ndeshjen e kampionatit kundër Juventus-it.
