Unai Emery beson se Neymar është gati të zbresë nga froni Lionel Messi dhe Cristiano Ronaldo si lojtari më i mirë në botë.
Trajneri spanjoll, i cili u largua nga parizienët më 2018 kur mori drejtimin e Arsenali, vazhdon të besojë në aftësitë e 28-vjeçarit. “Kam pasur një vit të mrekullueshëm me të”, – tha Emery për EFE, në një intervistë me trajnerin e Granada, Diego Martinez, ish-ndihmësi i tij te Sevilla.
“Kam mësuar aq shumë, duke parë potencialin e tij në çdo seancë stërvitore dhe në ndeshje. Neymar ka talent të madh brenda vetes, por edhe aftësi e cilësi për ta dëshmuar atë. Unë mendoj se ka mjaft mundësi për ta marrë “stafetën” nga Messi dhe Cristiano Ronaldo, që të bëhet futbollisti më i mirë në botë. Ai ka kohën dhe talentin për ta bërë këtë”.
