Edhe këtë fundjavë do të vazhdojë liridalja e kufizuar për kategori të caktuara. Kryeministri Edi Rama përmes një postimi në Facebook ka bërë me dije se të shtunën dhe të dielën, të moshuarit do të lejohet që të dalin deri në orën 10:00 të paradites.
Po ashtu, këto dy ditë nga ora 11:00-17:30, do të kenë orarin për të dalë të gjithë prindërit me fëmijë deri në 14 vjeç.
Rama ka theksuar gjithashtu, se të shtunën do të jenë hapur vetëm ushqimoret dhe farmacitë deri në orën 17.30, ndërsa të dielën do të jetë gjithçka mbyllur dhe do të ndalohet edhe lëvizja me mjete private.
Kryeministri tha se duke filluar nga kjo e hënë dhe për tri javë rresht, do të hapen me radhë ativitete të tjera.
Nga 4 maji do të lejohet lëvizja ndërqytetase e taksive me jo më shumë se dy pasagjerë, pjestarë të se njëjtës familje, ndërsa do të rritet edhe harta e zonave të gjelbra.
Nga data 11 maj do të të hapen parukerite, klinikat dentare dhe qendrat tregtare dhe do të lejohet lëvizja e mjeteve pa auorizim brenda qarqeve nga ora 5 deri në orën 17:30.
Të fundit do të hapen baret dhe restorantet, pas datës 18 maj, por vetëm në mjediset e jashtme të lokalit dhe duke respektuar distancën.
Por megjithatë, kryeministri është shprehur se ky plan do të ndryshojë, nëse dinamika e epidemisë ndryshon negativisht.
