Nga Boldnews.al
Nuk ka të ndalur mendja brilante e PS-së Ilir Beqja, ky strateg i ekonomisë dhe i batërdisë së tenderave, ka hedhur një propozim të ri. Vijon të jetë i mendimit se duhet të ulen pensionet dhe pagat e punonjësve të administratës, por në vend të bukës, për të mbajtur frymën gjallë, pensionistët dhe shtresat në nevojë të pajisen me telefonë me taç (prekje”…
“Sa shumë paskemi pas nevojë për përdorimin e teknologjisë së informacionit dhe u provua se mazhoranca e Edi Ramës ka bërë një investim në teknologjinë e informacionit. Sa më shumë ecim në këtë drejtim dhe ja ku u provua se sa largpamës ka qenë ai vendim dhe sa të efektshme këto vendime. Por po evidentojmë një kontradiktë të re. Po na krijohet një barrierë digjitale me një grup të ri të shoqërisë. Universaliteti në teknologjinë e informacionit duhet të jetë një prioritet i ri. T’i japim familjeve të varfëra edhe smartfonin, siç i dhamë dekoderin për TVSH”, tha Beqja, mu bash e në fotoren e parlamentit, duke sfiduar çdokënd aty, nga opozitarët e vëtëshpallur.
Një mendim gjenial që u mbështet edhe nga disa ministra dhe minisresha të Ramës të cilët e kanë fort të qartë se me situatën aktuale dhe izolimin e vendit, Rama po bën eksperimentin më të madh social. Për të trazuar edhe më shumë sëkëllsinë e shpirtit mendon Beqja i tij!
Ai “pabuksi” pensionist, ajo familje e varfër që merr si përkrahje sociale vetëm një thes miell “shpërblim qeveritar” në muaj, tani e tutje nuk duhet të ankohet, pasi vërtetë zorrët mund tëu ulërasin nga kequshqyerja, por le të marrin në duar smarfonët që Beja propozon që tu falen dhe të njihen me arritjet virtual të qeverisë.
Rilindja është ende me parimin jepu shfaqje dhe propagandë këtij populli dhe kurrë mirëqenie për të mos ngritur krye. Tallja është edhe me e madhe kur ish-ministri i Shëndetësisë Ilir Beqja propozon që të ulen pensionet dhe pagat e punonjësve, port ë shtohet si “shërbim ekstra” blerja e telefonëve modern, mundësisht me paketa internet që të varfërit të shohin shfaqjen e qeverisë, ose të kenë mundësinë që të kërkojnë leje për të dalë nga shtëpia tek “E-Albania”.
Rama pas deklaratës së Beqjas që kishte shtrudhur trurin e tij të mbushur plot…, tha se nuk do të ketë ulje pagash dhe pensionesh. Kjo i ngjan atyre historive kolektive të një truri të shpëlarë të para viteve 90’ ku thuhej: Enveri nuk dinte gjë, e ka bërë Mehmeti në kokën e vet.
Por koka e Ilir Beqjas nuk mund të “sakrifikohet”! Kujt mund ti shkojë në mendje që njerëzinë ta lërë pa ushqim por tu shpërndaje në vend të ndihmës finaciare telefonë për të parë Ramën, Lali Erin, vetë Beqjan, ministra dhe ministresha. Kur të kenë uri le të klikojnë për “kushinën moderve” dhe të “hanë virtualisht” vaftin e radhës!
