Presidenti i Kosovës Hashim Thaçi, ka mandatuar Avdullah Hotin, si kandidatin për kryeministër në Kosovë. Thaçi i dha mandatin Avdullah Hotit, si propozim i koalicionit LDK-AAK.
Vendimi i Thaçit erdhi pasi Albin Kurti nuk dërgoi një emër për kryeministër. VV ishte partia që fitoi zgjedhjet dhe kandidatin e parë për kryeministër duhet ta propozonte ajo.
Por Albin Kurti nuk propozoi emrin, me argumentin se Presidenti Thaçi duhet të shpallte zgjedhjet e parakohshme, pas rrëzimit të qeverisë në Kuvendin e Kosovës.
Ky vendim i presidentit Thaçi dhe nëse emërohet qeveria e re, pritet të kontestohet në Gjykatën Kushtetuese nga Vetëvendosja.
