Dy raste të reja me COVID-19 janë shtuar në qytetin e Shkodrës, të raportuara sot nga autoritetet e shëndetësisë nga 7 raste që ishin gjithësej në 24 orët e fundit.
Burime bëjnë me dije se në qytetin verior është zbuluar një vatër e re infeksioni, pasi ka rezultuar pozitiv një punonjës i një fabrike që prodhon pije energjike në këtë qytet.
Ai konsiderohet vatër e re, pasi nga hetimi epidiomiologjik nuk ka pasur ndonjë kontak me raste të konfirmuara me koronavirus.
Rasti tjetër është një infermiere e repartit të reanimacionit duke e çuar në 8 numrin stafit mjekësor të prekur me Covid 19 në këtë qytet.
Pas këtyre rasteve, numri në total i të infektuarëve në këtë qytet ka arrit në 110.
Në rang kombëtar, numri në total i të infektuarëve ka arritur në 773 persona, prej të cilëve 31 kanë ndërruar jetë.
