Është arrestuar autori i dytë i plagosjes me plumb qorr të punonjësit te policisë në burgun e Peqinit, Idajet Paja,me detyrë instruktor i qenëve, para dy ditëve.
Burime zyrtare bëjnë me dije se në pranga është vënë shtetasi I. S., 34 vjeç, banues në Peqin, si dhe u shpall në kërkim shtetasi E. K., 34 vjeç, dhe vijon puna për kapjen e tij.
Këta shtetas së bashku me shtetasin G. K., 35 vjeç, i cili u prangos ditën e ngjarjes, nën efektin e alkoolit dyshohet se kanë qëlluar në ajër me armë zjarri kallashnikov, në drejtime të ndryshme dhe si pasojë e të shtënave dyshohet se njëra prej predhave ka renë në gjendje të lirë, duke lënduar lehtë punonjësin e Policisë së Burgut Peqin.
Materialet hetimore i kaluan Prokurorisë pranë Gjykatës së Shkallës së Parë, Elbasan për veprimet e mëtejshme.
