Sot pritet të jepet vendimi final për universitetet, pas ndërprerjes për shkak të izolimit nga pandemia COVID-19.
Lajmin e dha dje kryeministri Edi Rama, në komunikimin live me qytetarët.
“Sot kam pasur një mbledhje të fundit me Ministren e Shëndetësisë dhe ata të Arsimit se çdo të vendoset në lidhje me Universitetet. Nesër do bëhet njoftim se çdo të bëhet me universitetet.” deklaroi dje kreu i qeverisë.
Me shumë mundësi dhe mësimi për arsimin e lartë do të zhvillohet online deri në përfundim të këtij viti shkollor, ajo që pritet me shumë unteres është mënyra sesi do të zhvillohen provimet, nëse dhe ato do të zhvillohen online apo studentët do t’iu rikthehen universiteteve.
Dy ditë më parë Ministria e Arsimit vendosi hapjen e shkollave për një periudhë tre javore vetëm për maturantët, mbajtjen e provimeve të maturës shtetërore në qershor dhe mbylljen e këtij viti shkollor po në qershor.
Nxënësit nga klasa e parë në të 11 do të zhvillojnë mësim online deri në fund të majit.
