Vlora, Gjirokastra dhe Durrësi konsiderohen si qarqet me nivelin më të lartë të kriminalitetit në vend. Kjo të paktën sipas raportit vjetor që Prokurori i Përgjithshëm ka dorëzuar në Kuvend.referuar raportit, qarqet me kriminalitetin më të ulët janë Berati, Kukësi dhe Dibra.
Përgjatë vitit 2019 janë autorizuar 2715 përgjime, ndërsa janë përgjuar 5062 persona. Në raportin e publikuar nga Abcnews evidentohet se ndërsa ka një ulje të krimeve bankare apo përmes lojrave të fatit, ka një rritje me 40 % të krimeve seksuale.
Në raport theksohet se përgjatë 2019, bandat kriminale janë shtuar me 25 % .
Sipas këtij raporti, në vitin 2019 koeficienti i kriminalitetit për 100 000 banorë në të gjithë vendin ka qenë mesatarisht 1072 krahasuar me 1094 që ishte në vitin 2018.
Referuar këtij raporti, nëse qarku i Vlorës është më problematiku me një koeficient kriminaliteti 1 160 krime për 100 000 banorë, ai më i qeti duket të jetë Dibra me 577 krime për 100 000 banorë.
Ndërkohë, qarku i dytë më problematik duket të jetë Gjirokastra me 1 384 vepra penale për 100 000 banorë, kurse i treti është Durrësi me 1259 vepra penale për 100 000 banorë.
Pas Dibrës, si qarku më i qetë duket të jetë Kukësi me 761 krime për 100 000 banorë.
Ndërkohë, vepra penale më e përhapur në Shqipëri gjatë vitit të shkuar është vjedhja e pasurisë, që përbën 31 % të të gjithë gamës së veprave, ndërsa është shqetësues fakti se ka një rritje me 40 % të krimeve seksuale si edhe 30 % të rrëmbimeve.
