Coronavirusi ka shkaktuar shumë paqartësi dhe dëme financiare në futbollin evropian dhe atë shqiptar. Kështu për t’i ardhur në ndihmë të pjesës më të madhe të subjekteve që nuk do të kenë asnjë ndihmë nga shteti, Federata Shqiptare e Futbollit ka miratuar një fond të dytë emergjence ose më saktë asistence.
Pasi akordoi 400 milionë lekë të vjetra për periudhën 15 mars-15 prill, tashmë përgatitet që të shpërndajë edhe 400 milionë të tjera për periudhën 15 prill-15 maj.
Telesport ka mësuar nga ambientet e FSHF së dëmi ekonomik për vitin 2020 në arkat e federatës prek 1 milionë euro të sigurta, ndërsa në rrugë hipotetike do të ishin edhe më shumë.
Kryesisht, humbja nga biletat e 3 ndeshjeve të Nations League (Shqipëri-Lituani, Shqipëri-Kazakistan, Shqipëri-Bjellorusi). Takime që ishin programuar të luheshin në “Air Albania Stadium”.
