Maturantët do të rikthehen në bankat e shkollës në 18 maj deri në 5 qershor, vetëm për lëndët e provimeve të Maturës Shtetërore.
Vendimi është dhënë nga mministrja e Arsimit, Besa Shahini, sipas të cilës hapja e shkollave për maturantët do të bëhet duke respektuar rregullat strikte të distancës sociale, por edhe higjenës.
“Po të hapim shkollat vetëm për gjeneratën e maturantëve, duke i shpërndarë në të gjitha klasat e shkollës, ku në një klasë do të ketë jo më shumë se 10-12 nxënës, ose maksimumi 18 nxënës, në varësi të hapësirës së klasave”, tha Shahini.
Ndërkohë ministrja e Arsimit njoftoi se provimet për klasat e 5 dhe të 9 do të anulohen.
“Marr parasysh që provimet e lirimit të klasës së 9 nuk e mbajnë të njëjtën peshë si provimet e maturës dhe duke qenë se nuk e sigurojmë dot kthimin në shkollë për nxënësit e klasës së 9.
Notat e provimit të lirimit të klasës së 9 kalkulohen duke aplikuar formulën e vlerësimit të notave të shkollës me komisione në shkollë por për detajet ju njoftojmë në vijim“.
Shkolla per klasat 1 deri 11 do vazhdoje nga shtepia deri në datën 29 maj”, sqaroi ajo.
Sipas Shahinit, provimet e maturës shtetërore do zhvillohen midis datës 8 dhe 18 qershor.
Ajo shtoi se provimet do jenë më të reduktuara sipas plan-programeve të reja për shkak të situatës.
Ministrja e Arsimit paralajmëroi lehtësira në përmbajtjen e provimit, “por zero tolerancë për kopjimin”.
Sipas ministres, në provimet e maturës do të përjashtohen temat e zhvilluara nga shtëpia.
