Sergio Aguero ka thënë se ai nuk i kupton kritikat që i bëhen Lionel Messit kur ai vesh fanellën e Argjentinës.
Sulmuesi i Manchester Cityt që luan së bashku në kombëtare me yllin e Barcelonës, ka bërë të ditur se 32-vjeçari jep gjithçka nga vetja për të arritur suksese. Gjithashtu Aguero ka thënë se gjashtë herë fituesi i Topit të Artë vuan më shumë nga të gjithë kur Argjentina dështon në gara ndërkombëtare.
“Jemi shumë të mërzitur ku humbim me ekipin kombëtar. Ne vuajmë dhe kalojmë kohë të vështira pas humbjeve. Mund të luaj në Kupën e Botës 2022 pa dhimbje, edhe pse kam probleme në gju. Por, tani të gjitha forcat janë përqendruar vetëm në Kupën e Amerikës”, ka thënë fillimisht ai.
“Unë dhe Messi kemi punuar së bashku që nga viti 2005. Nuk i kuptoj ata që e kritikojnë se si luan në ekipin kombëtar. Ai është i pari që vuan nga mossuksesi, por vazhdon të qëndrojë në ekipin kombëtar”.
