Gennaro Gattuso do të vijojë të jetë trajner i Napolit për të paktën edhe sezonin 2020-2021. Vetë tekniku italian, ka zgjedhur të mos ushtrojë opsionin për prishjen e kontratës në fund të sezonit.
Sipas marrëveshjes së bërë mes palëve, Gattuso mund të largohej nga Napoli, nëse do të njoftonte presidentin De Laurentiis deri më 15 prill, pasi në të kundërt do të mbetej në fuqi kontrata e nënshkruar, që ka kohëzgjatjen deri më qershor të vitit të ardhshëm.
Tani e vetmja mënyrë që palët të mos vijojnë bashkë, është nëse De Laurentiis do të vendosë të shkarkojë teknikun, por momentalisht diçka e tillë duket e vështirë, pasi bosi napolitan duket i kënaqur me punën e Gattusos.
