Portieri i Manchester United, David De Gea, ka dhënë verdiktin e tij në lidhje me transferimin e Bruno Fernandes.
Fantazisti portugez ka impresionuar këdo që kur kompletoi transferimin e tij të shumëpritur nga Sporting i Lisbonës te United në janar, duke merituar kështu komplimente nga portieri i Spanjws.
Fillimisht De Gea ka nënvizuar se është një ëndërr për të që bën pjesë te një klub siç është Man.United si dhe i ka premtuar besnikëri “Djajve të Kuq”. Më tej portieri spanjoll është ndalur te shoku i tij i skuadrës, Bruno Fernandes. 29-vjeçari e ka quajtur portugezin si një nga mesfushorët më të mirë në botë dhe se ardhja e tij e ka rritur ndjeshëm nivelin e skuadrës.
”Vetëm të jesh pjesë e këtij klubi është e mahnitshme. Imagjinojeni që unë kam 10 vite këtu, është si një ëndërr. Jam shumë i lumtur që kam luajtur për këtë klub dhe dua ta bëj dhe për shumë vite të tjera”, deklaron De Gea për “Daily Mail”, kur pyetet për një largim të mundshëm nga United”.
”Mendoj se i gjithë ekipi është përmirësuar. Ishim në një nga momentet më të mira në momentin që u pezullua kampionati. Kemi pasur shumë dëmtime. Në muajt e fundit kemi pësuar më pak dhe ardhja e Brunos Fernandes na ka ndihmuar shumë. Ai është një nga mesfushorët më të mirë në botë dhe ne jemi me fat që e kemi”, deklaron portieri spanjoll.
