Duket se Lionel Messi ka bindur Lautaro Martinez-in që të bashkohet me të te skuadra e Barcelonës.
“Eja te Barcelona, fitojmë bashkë!”… Ka qenë ky mesazhi që gjashtë herë fituesi i Topit të Artë, i ka dërguar Lautaro Martinezit në një telefonatë mes të dyve në muajin mars. – raporton “AS”.
Barcelona prej kohësh është vënë në gjurmët e argjentinasit, ndërsa vetë lojtari nuk ka folur mbi këtë çështje duke mos mohuar apo konfirmuar asgjë.
Interi nga ana tjetër ka shprehur qëndrimin e saj që lojtari nuk është në shitje por nëse një lëvizje e kërkon vetë Lautaro atëherë gjithçka mund të ndryshojë, pasi siç ka thënë edhe drejtori ekzekutiv, Giuseppe Marotta, askush nuk qëndron në skuadër kundrejt dëshirës.
Problemi për Barcelonën është klauzola prej 111 mln eurosh, për të cilën zikaltërit shprehen të palëkundër, madje duke mos pranuar asnjë formulë tjetër për shitjen e lojtarit.
